Православный Приход храма Казанской иконы Божией Матери город Мариинский Посад Чувашской Республики

Великий канон Андрея Критского (на четверг 5 седмицы) на чувашском языке

 

Великий канон Андрея Критского

(с переводом на чувашский язык)

 

АСЛĂ КАНОН

 

(Малтан пуçласа вĕçне çитиех 6-мĕш кĕвĕпе)

 

АСЛĂ ТИППĔН 5-МĔШ ЭРНИ

Кĕçнерникун

 

1-мĕш юрă

 

ИРМОС. Мана Пулăшакан, мана Витсе Тăракан мана çăлма килчĕ; Вăл - манăн Туррăм, Ăна мухтам; Вăл - ман аттемĕн Турри, Ăна аслăлам: Вăл чаплă мухтава тухрĕ (2 хут).

Эй Турă, хĕрхенсем мана, хĕрхенсем.

Эй Христос, мĕскĕн пурăнăçăмри ĕçĕмсем пирки хăшĕншĕн малтан хурланса йĕрем-ши? Халĕ хурланма тытăннине епле пуçласа ярам-ши?

Ĕнтĕ Ху ырă кăмăллă тăрăх, çылăхсене каçарма пар мана.

Эй Турă, хĕрхенсем мана, хĕрхенсем.

Эй мĕскĕн чунăм! ĕнтĕ хăвăн ÿтÿпеле пĕрле кил те пурне те Пултаракан Турра çылăхусене каласа кăтарт, малашне ĕнтĕ ĕлĕкхи пек ухмахланса пурăнасран чарăн: Турă умĕнче ÿкĕнсе йĕр.

Эй Турă, хĕрхенсем мана, хĕрхенсем.

Эпĕ, чи малтан пултарнă Адам пек, çылăха кĕрсе пурăнтăм та пĕлтĕм: çылăхăмсем пирки эпĕ Турăран та, Ĕмĕрлĕх Патшалăхран та, ырăлăхран та татăлса юлтăм.

Эй Турă, хĕрхенсем мана, хĕрхенсем.

Эй мĕскĕн чунăм, хуйхă-çке мана, мĕншĕн эсĕ малтанхи арăм пек, Ева пек, пултăн-ши?

Эсĕ йывăç çине ырăшăн пăхмарăн, хăвна ху йывăр суран турăн; йывăçа сĕртĕнтĕн те, харсăрланса, унăн ултавлă çимĕçне çирĕн.

Эй Турă, хĕрхенсем мана, хĕрхенсем.

Ман ăшăмра ÿтлĕ Ева вырăнне ÿтсĕр Ева пулчĕ, вăл - манăн ÿтĕмри аскăн шухăш; вăл мана ыррăн курăнса илĕртет те, анчах, астивсе пăхсан, хăй яланах йÿçĕ хăварать.

Эй Турă, хĕрхенсем мана, хĕрхенсем.

Эй Çăлакан, Адама райран тивĕçлипе хăваласа кăларнă: вăл Санăн пĕртен-пĕр сăмахна анчах тытса тăрайман. Ĕнтĕ манăн мĕн чухлĕ асап курмалла пулĕ?

Эпĕ Санăн чĕрĕлĕх паракан сăмахусене ялан ним вырăнне хумасăр пурăнтăм.

Эй Турă, хĕрхенсем мана, хĕрхенсем.

Каин хăй шăллĕне вĕлерсе çылăха кĕнинчен те ытла эпĕ çылăха кĕтĕм: эпĕ хам ÿтĕме хаваслантарса, усал тунă чух чунпа вăрçса ирĕккĕнех чунăма вĕлерекен çын пултăм.

Эй Турă, хĕрхенсем мана, хĕрхенсем.

Эй Иисус, Авель пек эпĕ сăваплă пулаймарăм; эпĕ Сана юрăхлă парне те кÿреймерĕм, ырă ĕç те тăваймарăм, таса парне те параймарăм, айăпсăр пурăнăçпа та пурăнаймарăм.

Эй Турă, хĕрхенсем мана, хĕрхенсем.

Эй мĕскĕн чунăм, эпир пурне те пултаракан Турра, Каин пек, усал парне патăмăр, вăл парне - йĕркесĕр ĕçсемпе юрăхсăр пурăнăç; çавăнпа та ĕнтĕ айăплă пултăмăр.

Эй Турă, хĕрхенсем мана, хĕрхенсем.

Эй пурне те Тăвакан! Эсĕ çĕр тăприне, чунлă туса, мана ÿтлĕ, шăмăллă турăн, сывлакан чунлă тунăн; эй мана Пултаракан, мана Çăлакан, мана Суд Тăвакан! мана, çылăхран ÿкĕнекенскере, хапăл ту.

Эй Турă, хĕрхенсем мана, хĕрхенсем.

Эй Çăлакан, эпĕ хам тунă çылăхсене - чунăмпала ÿтĕмĕн суранĕсене Сана уçса кăтартатăп, мана çавсене ăшăмри вĕлерекен шухăшăмсем турĕç.

Эй Турă, хĕрхенсем мана, хĕрхенсем.

Эй Çăлакан, эпе çылăха кĕтĕм пулсан та, Эсĕ этеме юратнине пĕлетĕп: Эсĕ асаплантарасса хĕрхенсе асаплантаратăн, ăшă кăмăлупа каçаратăн, макăракана куратăн, аскăн çын патне ашшĕ пек пыратăн.

Эй Турă, хĕрхенсем мана, хĕрхенсем.

Эй Çăлакан, мана - Хăвăн алăку умĕнче вăхăтлăха та пулин çĕре ÿксе пуç&¸апакан çыннуна - тамăка антарса ан ярах.

Ху этеме юратнă тăрăх, вилес чух та пулсан манăн çылăхсене каçар.

Эй Турă, хĕрхенсем мана, хĕрхенсем.

Эй Çăлакан, эпе хам пурлăхăма аснипе пĕтертĕм те халĕ ĕнтĕ, сăваплă ĕçсем тумасăр пушă хир пек пулнăскер, выçăхнипе Сана чĕнсе калатăп: эй ырă кăмăллă Аттемĕр! Часрах килсе хĕрхенсем мана, тетĕп.

Эй Турă, хĕрхенсем мана, хĕрхенсем.

Эпĕ шухăш пирки вăрă-хурахсен аллине лекнĕ çын; вĕсенчен эпĕ суранланса çĕмĕрĕлсе пĕтрĕм; эй Çăлакан Христос, Эсĕ Ху килсе çăл мана.

Эй Турă, хĕрхенсем мана, хĕрхенсем.

Священник мана асăрхарĕ те иртсе кайрĕ, левит та манран, çап-çарамас хăрушă выртнине курсан, йĕрĕнчĕ.

Эй Иисус, Эсĕ Марияран çутăлса Тухнăскер, Ху килсе хĕрхен мана!

Эй Турă, хĕрхенсем мана, хĕрхенсем.

Эй Турă Путекки, пуринĕн çылăхне те илекен! Çылăхăн йывăр çĕклемне ман çинчен ил, Ху ырă кăмăллă тăрăх, çемçе кăмăлпа йĕме пар мана.

Эй Турă, хĕрхенсем мана, хĕрхенсем.

Эй Иисус, сана ÿксе пуççапатăп; эпĕ Сан умăнта çылăха кĕтĕм; мана хĕрхенсем, çылăхăн йывăр çĕклемне ман çинчен илсем, Ху ырă кăмăллă тăрăх, çемçе кăмăлпа йĕме пар мана.

Эй Турă, хĕрхенсем мана, хĕрхенсем.

Эй пит хăватлă Турă, манпала судлă ан пул, ман ĕçĕмсене суда ан кур, ман сăмахăмсене ан тĕрĕсле, кăмăлăм туртнисене те ан питле, Ху пит ырă кăмăллă тăрăх, эпĕ усал тунисене ним вырăнне хумасăр, çăл мана.

Эй Турă, хĕрхенсем мана, хĕрхенсем.

Халĕ ÿкĕнмелли вăхăт! Эй мана пултаракан Турă, эпĕ ĕнтĕ Сан патна пыратăп; пусса тăракан çылăхăн йывăр çĕклемне ман çинчен илсем, Ху ырă кăмăллă тăрăх, çемçелнĕ кăмăлпа йĕме парсам мана.

Эй Турă, хĕрхенсем мана, хĕрхенсем.

Эпĕ чунăмăн пурлăхне çылăха кĕрсе салатса пĕтертĕм те пĕр сăваплă ĕçсĕр тăрса юлтăм: ĕнтĕ выçăхса аптăранипе йăлăнса калатăп: эй Турă, эй ырăлăх Паракан, çăл мана!

Эй таса пурăнăçлă Мария аннемĕр, пирĕншĕн Турра тархасла.

Эсĕ çылăхăн çулĕ çинчен тÿп-тÿрĕ тухнă та мĕнпур кăмăлупа юратса Христос патне пынă, çÿреме çук пушă хирте пурăнса, Туррăн ырă сăмахĕсене лайăх туса çитернĕ.

Эй таса пурăнăçлă Мария аннемĕр, пирĕншĕн Турра тархасла.

Эсĕ Христосăн ырă законне пăхăннă та, кăмăл аскăнлăх енне чарма çук туртăннине пăрахса, Христос патне пынă, ырă кăмăлупа мĕнпур ырă ĕçсене пурне те пĕрне хăвармасăр тунă.

Эй таса пурăнăçлă Андрей аттемĕр, пирĕншĕн Турра тархасла.

Эй мухтавлă Андрей, сана кĕлтăватпăр: хăвăн кĕллÿпе пире, аскăн ирсĕрлĕхĕнчен хăтарса, Христос Патшалăхне халь пая кĕмелле ту: эпир сана ĕненÿпе юратса та мухтаса юрлатпăр.

Мухтав Ашшĕне, Ывăлне, Святой Сывлăшне.

Эй пĕртен-пĕр Турă тесе пуççапакан ĕмĕрсемчченех пур Виç-ипостаçлĕ Турă, пусса тăракан çылăхăн йывăр çĕклемне ман çинчен илсем, Ху ырă кăмăллă тăрăх, çемçелнĕ кăмăлпа йĕме парсам мана.

Халĕ те, кирек хăçан та, ĕмĕр-ĕмĕрех. Аминь.

Эй Турă Амăшĕ, Хăвна мухтаса юрлакансене ĕмĕт паракан, вĕсене пулăшакан! Пусса тăракан çылăхăн йывăр çĕклемне ман çинчен илсем.

Эсĕ - пире пăхса усракан Турă Амăшĕ, мана, çылăхран ÿкĕнекенскере, хапăл тусам!

 

 

2-мĕш юра

 

ИРМОС. Эй пĕлĕт, тăнласа тăр, эпĕ Христос çинчен калаçа пуçлатăп, Ăна мухтаса юрлама тытăнатăп: Вăл Хĕртен ÿтленсе килнĕ (2 хут).

Эй Турă, хĕрхенсем мана, хĕрхенсем.

Эй, пĕлĕт, тăнласа тăр! Эпĕ калаçа пуçлатăп; эй çĕр, ĕнтĕ ÿкĕнсе Турра мухтаса юрлакан сассăма итлесе тăр!

Эй Турă, хĕрхенсем мана, хĕрхенсем.

Эй Çăлакан Туррăм, ман çине ăшă куçупа пăхсам, эпĕ çылăхăмсене чунтан-вартан каласа панине хапăл илсем.

Эй Турă, хĕрхенсем мана, хĕрхенсем.

Эпĕ çылăха кĕтĕм, Сан умăнта пĕр эпĕ анчах пур çынсенчен ытла çылăха кĕтĕм! Эй Çăлакан, Эсĕ - Турă, ĕнтĕ Ху пултарнăскере хĕрхенсем!

Эй Турă, хĕрхенсем мана, хĕрхенсем.

Хамăн аскăнлăх ирсĕрĕпе киревсĕрленсе, тутла юратни хыççăн кайса, эпĕ хамăн ырă ăсăма пăсрăм.

Эй Турă, хĕрхенсем мана, хĕрхенсем.

Эй ырă Турă, мана усал çил-тăвăл çавăрса илчĕ, Петра ярса тытнă пек, ман еннелле аллуна тăс.

Эй Турă, хĕрхенсем мана, хĕрхенсем.

Эй Çăлакан, эпĕ хам ÿтĕм тумтирне ирсĕре кăлартăм, Сан тĕслине, Сан евĕрлĕхĕме вараларăм.

Эй Турă, хĕрхенсем мана, хĕрхенсем.

Аскăнлăхпа киленсе пурăнса, эпĕ чунăм илемне ятăм, ăсăма пĕтĕмпех тăпра пек турăм.

Эй Турă, хĕрхенсем мана, хĕрхенсем.

Турă тĕртсе панă малтанхи тумтирĕме эпĕ чĕрсе пĕтертĕм, ĕнтĕ çавăнпа халĕ çарамасах выртатăп.

Эй Турă, хĕрхенсем мана, хĕрхенсем.

Халĕ эпĕ çĕтĕк-çатăк тумтир тăхăнса ятăм, ăна ман валли çĕленĕн чеелĕхĕпе тĕртсе хатĕрленĕ, çавăнпа та ĕнтĕ вăтанатăп.

Эй Турă, хĕрхенсем мана, хĕрхенсем.

Эй хĕрхенекен кăмăллă Турă, аскăн арăм пек, эпĕ те куççулĕ тăкатăп; эй Çăлакан, ĕнтĕ Хăвăн ырă кăмăлупа хĕрхенсем мана.

Эй Турă, хĕрхенсем мана, хĕрхенсем.

Эпĕ илемлĕ йывăç çине пăхрăм та ăсăм пирки улталантăм; ĕнтĕ халĕ çарамас хальлĕнех вăтанса выртатăп.

Эй Турă, хĕрхенсем мана, хĕрхенсем.

Аскăнлăх пуçлăхĕсем пурте ман çурăм çинче сухаларĕç, хăйсен йĕркесĕрлĕхĕсене ман тăрăх тăса-тăса тухрĕç.

Эй Турă, хĕрхенсем мана, хĕрхенсем.

Çылăх ман çинчен Турă тĕртсе панă малтанхи тумтире хывса илчĕ те мана тир тумтир çĕлесе пачĕ.

Эй Турă, хĕрхенсем мана, хĕрхенсем.

Эпĕ, смоква йывăçĕн çулçисемпе витĕннĕ пек, намăс тумтирĕсене тăхăнса ятăм, вăл манăн иртĕнсе кайнă усал шухăшсене палăртса тăрать.

Эй Турă, хĕрхенсем мана, хĕрхенсем.

Эпĕ асса, аскăнланса пурăннă пурăнăçран тухса тăракан ирсĕрлĕхпе тĕп-тĕрлĕ юнланса пĕтнĕ тумтире тăхăнса ятăм.

Эй Турă, хĕрхенсем мана, хĕрхенсем.

Эпĕ усал шухăшсем аптратнипе ÿт çĕрме тытăннă асапа куратăп, çавăнпа та ĕнтĕ мана халĕ тăшман пусмăрласа тăрать.

Эй Турă, хĕрхенсем мана, хĕрхенсем.

Эй Çăлакан, эпĕ çĕр çинчи япаласене, пурлăхсене пухма юратнă пурăнăçа мĕскĕн пурăнăçран мала хунă пирки халĕ ĕнтĕ пит йывăр çĕклем айне пултăм.

Эй Турă, хĕрхенсем мана, хĕрхенсем.

Эпĕ ÿтĕм кĕлеткине усал шухăшсенĕн тĕрлĕ-тĕрлĕ тумтирĕсене тăхăнтарса хитрелентертĕм те - ĕнтĕ çавăнпа айăпа юлатăп.

Эй Турă, хĕрхенсем мана, хĕрхенсем.

Ăшăмри Турă тунă илемлĕ скиния çине пăхмасăр, эпĕ тултан курăнакан илемшĕн çеç пикенсех тăрăшрăм.

Эй Турă, хĕрхенсем мана, хĕрхенсем.

Эй Çăлакан, эпĕ малтанах пултарнă Сан илемне аскăнлăхпа хупларăм; ĕнтĕ, ĕлĕк драхмăна шыраса тупнă пек, Эсĕ Ху шыраса туп ăна.

Эй Турă, хĕрхенсем мана, хĕрхенсем.

Çылăха кĕтĕм! Аскăн арăм пек, Сана чĕнсе калатăп: эй Çăлакан, Сан умăнта пĕр эпĕ анчах çылăха кĕтĕм, ман куççулĕме, миро çуне хапăл туса илнĕ пек, хапăл ил.

Эй Турă, хĕрхенсем мана, хĕрхенсем.

Эй Çăлакан, мытарь пек, Сана йăлăнатăп: хĕрхенсем мана, Адам ачисенчен никам кĕмен çылăха эпĕ Сан умăнта кĕтĕм.

Эй Турă, хĕрхенсем мана, хĕрхенсем.

Давид пек, эпĕ чарусăрланса ÿкрĕм, вараланса пĕтрĕм; эй Çăлакан, мана та куççулĕпе çуса тасатсам.

Эй Турă, хĕрхенсем мана, хĕрхенсем.

Манăн ни куççулĕ çук, ни ÿкĕнесси çук, ни кăмăл çемçелесси çук; эй Çăлакан, Ху Турă пулнă тăрăх, çавна Эсĕ Ху пар мана.

Эй Турă, хĕрхенсем мана, хĕрхенсем.

Эпĕ малтанхи илеме, хамăн ырă сăнăма пĕтертĕм те, халĕ ĕнтĕ вăтанса çарамассăнах выртатăп.

Эй Турă, хĕрхенсем мана, хĕрхенсем.

Эй Туррăм, Туррăм! Ун чухне алăкна ман умра ан хупах, маншăн, Хăвăн умăнта ÿкĕнекенскершĕн, ăна уçса хур.

Эй Турă, хĕрхенсем мана, хĕрхенсем.

Эй Çăлакан, чунăм ахлатнине итле; ман куçăмри куççуле хапăл ил те çăл мана.

Эй Турă, хĕрхенсем мана, хĕрхенсем.

Эй этеме савакан Турă, Эсĕ пурне те çăласшăн тăрăшаканскер, Ху ырă тăрăх, мана Ху патна чĕнсе ил, мана, ÿкĕнекенскере, хапăл ту.

Туррăн Таса Амăшĕ, çăл пире.

Эй Турра çуратнă Таса Хĕр, пĕр Сана анчах пурте мухтаса юрлаççĕ, ĕнтĕ пире çăлма чунтан тархасла.

 

 

ИРМОС. Курăр ĕнтĕ, курăр: Эпĕ - Турă, авал манна çутарнăскер, пушă хирте Эпĕ Хам халăхăм валли, сылтăм аллăмпа, Хам вăй-хăватăмпа чултан шыв кăларса патăм (2 хут).

Эй Турă, хĕрхенсем мана, хĕрхенсем.

Курăр ĕнтĕ, курăр: Эпĕ - Турă! Эй чунăм, ĕнтĕ çапла калакан Турра итлесе тăр, ĕлĕкхи çылăхна пăрах, Унран, тĕрĕс Тÿререн, Турăран, хăраса тăр.

Эй Турă, хĕрхенсем мана, хĕрхенсем.

Эй пит нумай çылăхлă чунăм!

ÿтĕме чулпа пенĕ пек, усал ĕçсемпе амантса, усал шухăшсемпе ăса пĕтерсе, эсĕ çав авалхи Каин пек, çав Ламех пек пулмарăн-и ĕнтĕ?

Эй Турă, хĕрхенсем мана, хĕрхенсем.

Эй чунăм, закон париччен пурăннă çынсене пурне те куçупа пăхса тухрăн та, ĕнтĕ эсĕ Сиф пек те мар, Енос пек те мар, куçса кайнă Енох пек те мар, Ной пек те мар; çав сăваплă çынсен пурăнăçне пăхсан, эсĕ пит мĕскĕннĕн курăнатăн.

Эй Турă, хĕрхенсем мана, хĕрхенсем.

Эй чунăм, эсĕ ху пĕчченех хăвăн Туррун хаярлăхне кăлартăн, çĕре шыв тулнă пек, хăвăн ÿтне те, ĕçне те, пурăнăçна та путартăн, ху эсĕ çăлакан киммĕн тулашне тăрса юлтăн.

Эй Турă, хĕрхенсем мана, хĕрхенсем.

Ламех йĕре-йĕре каланă: эпе арçынна вĕлертĕм, хама суранлатрăм, çамрăка вĕлертĕм, хама юхан-суранлă турăм, тенĕ; эсĕ, чунăм, ÿтне вараласа пĕтерсен те, ăсна пăсса пăрахсан та хăраса чĕтĕреместĕн!

Эй Турă, хĕрхенсем мана, хĕрхенсем.

Эй чунăм, пурне те пултаракан Турă санăн шухăшусене арпаштарса ямасан, эсĕ ăсласа тунисене çĕр çине илсе пăрахмасан, эсĕ хăвăн аскăнлăхупа башня хăпартма та, пит çÿлĕ хÿме тума та ăс тупăттăн.

Эй Турă, хĕрхенсем мана, хĕрхенсем.

Ах, епле эпĕ авал çынна вĕлерекен Ламех пек пултăм та, аскăн хыççăн кайса, ара çитнĕ çынна вĕлернĕ пек чунăма вĕлертĕм, çамрăк çынна вĕлернĕ пек, ăсăма вĕлертĕм, Каин шăллĕне вĕлернĕ пек, эпе ÿтĕме те пĕтертĕм.

Эй Турă, хĕрхенсем мана, хĕрхенсем.

Авал Турă, Турă патĕнчен çумăр пек вут çутарса, асса кайнă Содом çыннисен ирсĕрлĕхне çунтарса янă; эй чунăм, эсĕ тамăкри вутта хĕртсе ятăн та унта ху çунса тăмалла пултăн.

Эй Турă, хĕрхенсем мана, хĕрхенсем.

Суранланса, аманса пĕтрĕм; ирĕке тухса асса кайнă шухăшсем мана çĕртсе тăни çинчен, акă ĕнтĕ, манăн чунăмпала ÿтĕм витĕр тухнă çĕмренсем, сурансемпе аманнă вырăнсем хытă каласа тăраççĕ.

Эй таса пурăнăçлă Мария аннемĕр, пирĕншĕн Турра тархасла.

Эй Мария, эсĕ усал шăтăка путса анса кайнă чух аллусене хĕрхенекен кăмăллă Турă патнелле тăснă та, Вăл вара, пурне те çăласшăн тăрăшаканскер, этеме юратнă тăрăх, Петра ярса тытнă пек, Сана та ырă аллисемпе ярса тытнă.

Эй таса пурăнăçлă Мария аннемĕр, пирĕншĕн Турра тархасла.

Эй Мария, аскăнчăклăх тĕттĕмĕнчен хăтăлма, эсĕ пит лайăх тăрăшнисене чунтан мухтама пирĕншĕн тăрăшакан Çÿлти Турăран тивлет илсе пар мана.

Эй таса пурăнăçлă Андрей аттемĕр, пирĕншĕн Турра тархасла.

Эй чунăм, куратпăр ĕнтĕ, Патша Турă этеме юратнине куратпăр: çавăнпа Ăна, хамăр виличчен куççулĕпе йĕрсе, пуççапса калар: эй Çăлакан, Андрей кĕлтунипе çырлах пире, теер.

Мухтав Ашшĕне, Ывăлне, Святой Сывлăшне.

Эй никам пултарман, ĕмĕртен малтанхи, уйăрăлми пĕртен-пĕр Виç-ипостаçлĕ Турă!

Мана халĕ, çылăхран ÿкĕнекенскере, хапăл ил, çылăха кĕнĕскере, çăл, эпĕ - Санран пулнăскер; манран ан йĕрĕнсем, вутпа асаплантарасран хĕрхенсе çăл!

Халĕ те, кирек хăçан та, ĕмĕр-ĕмĕрех. Аминь.

Эй Туррăн пурне те тытса тăракан чăн Таса Амăшĕ, Ху патна пыракансенĕн ĕмĕчĕ, тăвăл тивнĕ çынсенĕн кĕмелли вырăнĕ!

Ху кĕлтунипе пурне те Пултаракан Ывăлун кăмăлне ман енне çавăр.

 

 

3-мĕш юрă

 

ИРМОС. Эй Турă, манăн тапраннă чĕреме Хăвăн сăмахусенĕн тĕрекĕпе тĕреклĕлентер, пĕр Эсĕ анчах Святой Турă (2 хут).

Эй Турă, хĕрхенсем мана, хĕрхенсем.

Авал Турă патĕнчен вут аннипе Турă Содом çĕрне çунтарса янă.

Эй Турă, хĕрхенсем мана, хĕрхенсем.

Эй чунăм, сăваплă Лот пек, ту çине тарса çăлăн, васкасах Сигора кайса хăтăл.

Эй Турă, хĕрхенсем мана, хĕрхенсем.

Эй чунăм, хыпса каясран тар, Содомри вутран тар, Туррăн вучĕ çунтарса ярасран тар.

Эй Турă, хĕрхенсем мана, хĕрхенсем.

Эй Çăлакан Христос, эпĕ çылăха кĕтĕм, Сан умăнта пĕр эпĕ анчах пуринчен ытла çылăха кĕтĕм: ан йĕрĕнсем манран.

Эй Турă, хĕрхенсем мана, хĕрхенсем.

Эсĕ - ырă Кĕтÿçĕ, мана, путек пек пулнăскере, шыраса тупсам; манран, аташса кайнăскертен, ан йĕрĕнсем.

Эй Турă, хĕрхенсем мана, хĕрхенсем.

Эй Иисус, Эсĕ - ырă, Эсĕ - мана Пултаракан; эй Çăлакан, Санпала эпе тÿрре тухăп.

Эй Турă, хĕрхенсем мана, хĕрхенсем.

Эй Çăлакан, Сана ĕнтĕ калатăп: эпĕ çылăха кĕтĕм, Сан умăнта çылăха кĕтĕм! Ху ырă кăмăллă тăрăх, çăмăллăх парса, каçар мана.

Эй Турă, хĕрхенсем мана, хĕрхенсем.

Чĕрĕлĕх çăлкуçĕ вăл Санра, вилĕме Пĕтерекенре; ĕнтĕ вилĕм çитиччен пĕтĕм чĕререн калатăп: çылăха кĕтĕм эпĕ, хĕрхенсем, каçарсам мана.

Эй Турă, хĕрхенсем мана, хĕрхенсем.

Эй Турă, çылăха кĕтĕм эпĕ, Сан умăнта çылăха кĕтĕм, ĕнтĕ хĕрхенсем мана: çынсем хушшинче эпĕ, çылăха кĕрсе, çылăхăмсемпе пуринчен те ирттертĕм.

Эй Турă, хĕрхенсем мана, хĕрхенсем.

Эй Çăлакан, эпĕ Ной вăхăтĕнчи чарусăр çынсем пек пултăм, вĕсем пек, шыв айне пулмаллах айăпа тухрăм.

Эй Турă, хĕрхенсем мана, хĕрхенсем.

Эй чунăм, эсĕ ашшĕне пĕтерекен Хам пек пултăн: çывăх çынну намăсланнă чух, хыçалалла пăхса пырса, ăна витмерĕн.

Эй Турă, хĕрхенсем мана, хĕрхенсем.

Эй чунăм, çылăх хыптарса çунтариччен тар. Лот пек, Содомпа Гоморрăран тар, ăссăрланса каякан кăмăлăн вутĕнчен пăрăнса çÿре.

Эй Турă, хĕрхенсем мана, хĕрхенсем.

Эй Турă, пурне те ĕçне кура тавăрса памашкăн, Хăвăн Ангелусемпе пĕрле килсессĕн, хĕрхенсем мана, Сана тархаслатăп, хĕрхенсем мана!

Эй Турă, хĕрхенсем мана, хĕрхенсем.

Эй мĕскĕн чунăм, эсĕ Сим илнĕ пиллĕхе илеймерĕн, Иафет пек аслă ирĕк çĕре кĕреймерĕн.

Эй Турă, хĕрхенсем мана, хĕрхенсем.

Эй чунăм, çылăхлă Харран çĕрĕнчен куçса тух, ĕмĕр чĕрĕлĕх кăларса тăракан çĕре пикенсе кай: ăна Авраам хăйне тивĕçлĕхе илнĕ.

Эй Турă, хĕрхенсем мана, хĕрхенсем.

Эй чунăм, эсĕ Авраам çинчен илтнĕ, вăл хăй çуралнă çĕршывне хăварса куçса çÿрекен çын пулнă: çавăн пек тимлĕ пул.

Эй Турă, хĕрхенсем мана, хĕрхенсем.

Авраам ватлăхра Мамрий юманĕ айĕнче, Ангелсене хăна туса, пехилленĕ ырăлăха илнĕ.

Эй Турă, хĕрхенсем мана, хĕрхенсем.

Эй мĕскĕн чунăм, Исаак çинчен пĕлетĕн; ăна, пĕтĕмĕшпе çунтарса паракан пĕлме çук çĕнĕ парне пек, Турă умне илсе пынă, - ĕнтĕ çавăн пек тимлĕ пул.

Эй Турă, хĕрхенсем мана, хĕрхенсем.

Эй чунăм, чура пулнă арăмран çуралнă пирки хăваласа кăларнă Измаил çинчен эсĕ илтнĕ. Ĕнтĕ сыхă тăр, аскăнлăха парăннăшăн çавăн пек асапа курмалла ан пул.

Эй таса пурăнăçлă Мария аннемĕр, пирĕншĕн Турра тархасла.

Эй, аннем, çылăхсенĕн тăвăлĕ, çылăхсенĕн хумĕсем мана ярса илчĕç, ĕнтĕ эсĕ ху çăл мана, ÿкĕнмелли ырă хÿтлĕхе илсе кĕр.

Эй Турă, хĕрхенсем мана, хĕрхенсем.

Эй чунăм, эсĕ чарусăрланса чура пек пултăн та çĕнĕ Измаила çуратса, авалхи Египет арăмĕ евĕр, - Агарь пек пултăн; çĕнĕ Измаил вăл хăрама пĕлмен кăмăл пулать.

Эй Турă, хĕрхенсем мана, хĕрхенсем.

Эй чунăм, эсĕ Иаковăн çĕртен Пĕлĕте çитекен пусми çинчен пĕлеттĕнччĕ; мĕншĕн тата эсĕ, çав пĕр шикленмесĕр хăпармалли пусма пек, сăваплă пурăнăçлă пулмарăн-ши?

Эй Турă, хĕрхенсем мана, хĕрхенсем.

Турă священникĕ пек, çав пĕртен-пĕр Мелхиседек патша пек пул, вăл çынсем хушшинче тĕнчере Христос пурăнассине кăтартса тăнă.

Эй Турă, хĕрхенсем мана, хĕрхенсем.

Эй мĕскĕн чунăм, пурăнан ĕмĕр уявĕ иртсе кайиччен, Турă илемлĕ çурт алăкне хупса хуриччен эсĕ ÿкĕнсе, уласа йĕр.

Эй Турă, хĕрхенсем мана, хĕрхенсем.

Эй чунăм, каялла çаврăнса пăхса тăвар юпа пек ан пул; Содом çыннисене тивнĕ синкер сана та хăратса тăтăр: Çÿлти Сигора тарса хăтăл.

Эй Турă, хĕрхенсем мана, хĕрхенсем.

Эу Патша Турă, Хăвна мухтаса юрлакансенĕн кĕллине ахаль ан хăвар; эй этеме савакан Турă, Хăвна ĕненсе тархаслакансене хĕрхенсе каçарсам.

Эй таса пурăнăçлă Мария аннемĕр, пирĕншĕн Турра тархасла.

Эй аннем, çылăхсенĕн тăвăлĕ, çылăхсенĕн хумĕсем мана ярса илчĕç, ĕнтĕ эсĕ ху çăл мана, ÿкĕнмелли ырă хÿтлĕхе илсе кĕр.

Эй таса пурăнăçлă Мария аннемĕр, пирĕншĕн Турра тархасла.

Эй таса пурăнăçлăскер! Эсĕ кĕлтунипе кăмăлĕ çавăрăннă Турă Амăшне халĕ те чунтан тархасла, - маншăн та Турă алăкĕсене уçса хур.

Эй таса пурăнăçлă Андрей аттемĕр, пирĕншĕн Турра тархасла.

Эй Крит утравĕнче священниксен пуçлăхĕ пулнă Андрей, пирĕншĕн кĕлтуса пирĕн çылăхсене каçарттарсам: эсĕ çылăхран ÿкĕнме питĕ лайăх вĕрентекен.

Мухтав Ашшĕне, Ывăлне, Святой Сывлăшне.

Эй Виç-ипостаçлĕ пĕр Турă! пире ултавран, асапран, синкертен хăтарса тăр.

Халĕ те, кирек хăçан та, ĕмĕр-ĕмĕрех. Аминь.

Эй Турра вырнаçтарнă вар, савăн! Эй Туррăн аслă вырăнĕ, Унăн престолĕ, савăн! Эй Чĕрĕлĕхĕмĕрĕн Амăшĕ, савăн!

 

 

4-мĕш юрă

 

ИРМОС. Эй Турă, пророк Эсĕ килесси çинчен илтнĕ те Эсĕ Хĕртен çуралса çынсене курăнасшăн пулнинчен хăранă; вăл каланă: Сан çинчен хыпар илтрĕм те хăрарăм, тенĕ; эй Турă, Санăн хăвату мухтавлă пултăр (2 хут).

Эй Турă, хĕрхенсем мана, хĕрхенсем.

Эй тĕрĕс суд тăвакан Турă, Ху тунисенчен ан йĕрĕн, Ху пултарнине ан пăрах; эй этеме Савакан, эпĕ этем пулнă пирки пĕр-пĕчченех пур çынтан ытла çылăха кĕрсе пĕтрĕм, анчах Эсĕ Турă пулнă тăрăх, çылăхсене каçарма пултаратăн.

Эй Турă, хĕрхенсем мана, хĕрхенсем.

Эй чунăм! пĕтес вăхăт килет, пĕтес вăхăт килет, эсĕ çапах та пикенсе хатĕрленместĕн; вăхăт кĕскелсе çитет, - тăр ĕнтĕ! Тÿре инçе мар, алăк патĕнчех: пурăнан кун-çулсем тĕлĕкри пек, чечек тăкăннă пек ирте-ирте каяççĕ; ĕнтĕ эпир мĕншĕн вырăнсăр ĕç-хĕлпе чăрманатпăр-ши?

Эй Турă, хĕрхенсем мана, хĕрхенсем.

Эй чунăм, вăрансам ĕнтĕ! Ху тунă ĕçÿсем çинчен шутласа пăх, вĕсене Хăвăн куçу умĕнче тытса тăр; шăпăр-шăпăр куççульне юхтар; Христоса хăвăн ĕçÿсем çинчен, хăвăн шухăшусем çинчен пĕр хăрамасăр каласа кăтарт та яваплă пул.

Эй Турă, хĕрхенсем мана, хĕрхенсем.

Эй Çăлакан, эпĕ пурăнăçра ăспа-шухăшпа, сăмахпа туман çылăх, туман ĕç пĕрре те çук; эпĕ никам пек те мар, кăмăлпа, шухăшпа, ĕçпе пуринчен те ытла çылăха кĕрсе пĕтнĕ.

Эй Турă, хĕрхенсем мана, хĕрхенсем.

Çавăнпа та эпĕ, мĕскĕнскер, хамăн чун сисĕмĕ тăрăхах айăпа юлатăп, суда кĕретĕп: чун сисĕмĕнчен хытăрах айăплаканни судра нимĕн те çук.

Эй Турă, эй мана Хăтаракан, мана Çăлакан! ĕнтĕ мана, Ху чуруна, хĕрхенсем, хута кĕрсе çăлсам.

Эй Турă, хĕрхенсем мана, хĕрхенсем.

Эй чунăм, авал патриархсем хушшинчи аслă патриарх курнă пусма ĕçсемпеле çÿле епле çĕкленмеллине, ăспала епле асла тухмаллине кăтартса тăрать; çавăнпа ĕнтĕ эсĕ ĕçлесе, ăслă пулса, витĕр курсаquot;,р-span style= пурăнас тетĕн пулсан, çĕнелсе пыр.

Эй Турă, хĕрхенсем мана, хĕрхенсем.

Патриарх кĕтÿсем кĕтсе, вĕсене пăхса, икĕ арăм илесшĕн ирĕксĕрех ĕçле-ĕçле, кăнтăрлахи шăрăха та, çĕрлехи сивве те чăтса пурăннă, çапла вăхăта кĕскетсе пурăннă.

Эй Турă, хĕрхенсем мана, хĕрхенсем.

Эй чунăм, икĕ арăм çинчен калани урлă, пĕлсем, ĕçлесе ăса кĕрсе пынине сисме пулать. Лиян ачи нумай пулни вăл пит нумай ĕçленине пĕлтерет.

Рахиль вара ĕçлесе ăса кĕнине пĕлтерет: ăна чылай ĕçлесе качча илнĕ. Пĕтĕм кăмăлтан тăрăшмасан, чунпа ĕç-пуç та, сисĕм-туйăм та лайăхланса пыраймасть.

Эй Турă, хĕрхенсем мана, хĕрхенсем.

Эй чунăм, сыхă тăр, чаплă патриарх пек, ырă пулма тăрăш, вара ăспала ĕçлемелле пул; Турра курса тăракан ăсна нумайлантар, çывхарма çук сĕм-тĕттĕм ăшне шухăшупа кĕрсе кур, çапла чаплă хуçа пек пул.

Эй Турă, хĕрхенсем мана, хĕрхенсем.

Эй чунăм, патриархсем хушшинчи аслă патриарх, вуникĕ патриарх тунă та, ачисене ăспала пусма картлашкисем пек йĕркерен лартса тухнă, тата хăй вĕсем тăрăх хăпарнă пек яра-яра пуснă; çапла вăл, ĕçчен пулса, Çÿле улăхмалли курăнми пусмана сан валли тĕреклĕлетсе хунă.

Эй Турă, хĕрхенсем мана, хĕрхенсем.

Эй чунăм, юратман Исав пек пулса, хăвăн малтанхи илемлĕ ырăлăхна эсĕ хăвна улталаканах патăн, аçу пехилне çухатрăн; ик енчен те телейсĕрскер, эсĕ ĕçÿпе те, ăсупа та улталанса парăнтăн, çавăнпа ĕнтĕ халĕ ÿкĕн.

Эй Турă, хĕрхенсем мана, хĕрхенсем.

Исава, хĕрарăма ытла та ытарайманшăн, Едом тенĕ; вăл чарусăрланса яланах вут пек хĕмленнĕшĕн, аскăнлăха юратнипе хăйне хăй ирсĕрленнĕшĕн ăна Едом ятлă хунă; Едом тени «çылăх тăвасшăн çунса тăракан чун» тени пулать.

Эй Турă, хĕрхенсем мана, хĕрхенсем.

Эй чунăм, кĕл купи çинче ларнă Иов çинчен илтсен те эсĕ ун пек çирĕп пулма тăрăшаймарăн, ху мĕн пĕлнинче, ху мĕн курнинче, ху мĕн курса чухланинче те тĕреклĕ, çирĕп пулаймарăн: чăтăмсăра тухрăн.

Эй Турă, хĕрхенсем мана, хĕрхенсем.

Ĕлĕк чаплă вырăн çинче ларнăскер, халĕ юхан-суранлă пулса, кĕл купи çинче çап-çарамассăн ларать; нумай ачапăчаллăскер, чаплăскер сасартăк ача-пăчасăр, кил-çуртсăр тăрса юлнă; вăл кĕл купине паха çурт вырăнне хунă, ылтăн вырăнне кĕсен-çăпан пулнă.

Эй Турă, хĕрхенсем мана, хĕрхенсем.

Ÿтĕм ирсĕрленнĕ, чунăм тĕксĕмленнĕ, хам пĕтĕмпех юхан-суранлă; эй Христос, ĕнтĕ эпĕ ÿкĕннĕшĕн ăна та, кăна та эмелçĕ пек пулса Ху тÿрлет; эй Çăлакан, çуса тасатса юртан та шурă ту мана.

Эй Турă, хĕрхенсем мана, хĕрхенсем.

Эй Сăмах Турă, Эсĕ пăталаннăскер, - пуриншĕн те Хăвăн Ÿтÿпе Юнна панă; эй Христос, Ÿтнĕ Эсĕ мана çĕнетме панă, Юнна мана çуса тасатма панă, Сывлăша мана Хăвăн Аçу патне илсе пырасшăн панă.

Эй Турă, хĕрхенсем мана, хĕрхенсем.

Эй ырă кăмăллă Турă, Эсĕ пире çăлăнтарасшăн çăлăнăç ĕçне çĕр çинче тунă; Эсĕ Ху ирĕкÿпе хĕрес çине пăталаннă: вара питĕрĕнсе тăракан рай уçăлнă; Сана ĕнтĕ Çÿлтисем те, аялтисем те, Сан тăрăх çăлăннă халăхсем те - пурте пуççапса тăраççĕ.

Эй Турă, хĕрхенсем мана, хĕрхенсем.

Эй Сăмах Турă, Сан аяккунтан юхнă Юну маншăн тасалмалли те, çылăхсене каçаракан шыв пек ĕçмелли те пултăр. Санăн чĕрĕ тăвакан сăмахусемпе тасалса, хăватланса, - эпĕ, сĕрмеллипе тата ĕçмеллипе тасалнă пек, пур ирсĕртен те тасалам.

Эй Турă, хĕрхенсем мана, хĕрхенсем.

Эй пире Çăлакан! Санăн чĕрĕ тăвакан аяк шăммине ĕненекенсем чашăк вырăнне илнĕ, унтан икĕ тĕрлĕ шыв юхса тухнă: вăл çылăхсене каçаракан шывпа ăса кĕртекен шыв; вĕсем икĕ тĕрлĕ йĕркене, авалхипе çĕннине, пĕлтереççĕ. Пĕри - авалхи сăмах, тепри - çĕнĕ сăмах вырăнне.

Эй Турă, хĕрхенсем мана, хĕрхенсем.

Эпĕ туй пулнă ырă çурт тулашне юлтăм, туйĕнчен те, апатĕнчен те татăлса юлтăм; çу юлманран çуттăм сÿнсе ларчĕ; туй пÿлĕмне эпĕ çывăрнă чух хупса хунă, апатне çинĕ; мана алран-ураран çыхса кăларса пăрахрĕç.

Эй Турă, хĕрхенсем мана, хĕрхенсем.

Манăн пурăнăçăм кĕске, вăл чирпеле, усалпала тулса çитнĕ; эй Çăлакан, çапах та ĕнтĕ мана çылăхран ÿкĕннĕ чух хапăл туса илсем, чăнлăха пĕлме ăса кĕртсем; эпĕ тăшман япали, тăшман çимĕçĕ ан пулам, - Хăвах хĕрхенсем мана!

Эй Турă, хĕрхенсем мана, хĕрхенсем.

Патша тивĕçне илнĕскер, пуç илемĕпе паха тумтирне тăхăннăскер, çĕрме пуянскер, темĕн чухлĕ пурлăх пурскер, тÿрĕ çын пулнăскер - сасартăк мулсăр, чапсăр, патшалăхсăр тăрса юлса, мĕскĕне тухнă та хуйхăрса çÿçне кастарнă.

Эй Турă, хĕрхенсем мана, хĕрхенсем.

Эй мĕскĕн чунăм! Вăл сăваплă, пуринчен те айăпсăр пулнă пулин те, чее тăшман тытнинчен, унăн танатинчен хăтăлайман; апла эсĕ, çылăха кĕме юратнăскер, кĕтмен çĕртен ху çине пĕр-пĕр синкер килес пулсан, мĕн тăва пĕлĕн?

Эй Турă, хĕрхенсем мана, хĕрхенсем.

Эпĕ халĕ вырăнсăрах, ахалех ытлашши çĕкленсе калаçатăп, чĕреме хытаратăп. Эй пĕртен-пĕр хĕрхенекен, тĕрĕс суд тăвакан Турă, мана фарисей пек суд туса ан пăрах, мытарь пек йăваш кăмăллă пулма пар, унпа пĕр хисепе кĕрт.

Эй Турă, хĕрхенсем мана, хĕрхенсем

Эй хĕрхенекен кăмăллă Турă, эпĕ пĕлетĕп-çке: эпĕ, хамăн паха савăт пек ÿтĕме ирсĕре кăларса, çылăха кĕтĕм, - ĕнтĕ мана çылăхран ÿкĕннĕ чух хапăл туса илсем, чăнлăха пĕлме ăса кĕртсем, манăн тăшман япали, тăшман çимĕçĕ пулас марччĕ; эй Çăлакан, Эсĕ Ху хĕрхенсем мана!

Эй Турă, хĕрхенсем мана, хĕрхенсем.

Эй хĕрхенекен кăмăллă Турă! Эпĕ асса хам чунăма сиен тунипе, хамшăн хам киремет пек пултăм; çапах та ĕнтĕ мана çылăхран ÿкĕннĕ чух хапăл туса илсем, чăнлăха пĕлме ăса кĕртсем, манăн тăшман япали, тăшман çимĕçĕ пулас марччĕ; эй Çăлакан, Эсĕ Ху хĕрхенсем мана!

Эй Турă, хĕрхенсем мана, хĕрхенсем.

Эй Закон Паракан Турă! Эпĕ Санăн сăмахна итлемерĕм, Санăн Çырăвна та ним вырăнне те хумарăм; çапах та ĕнтĕ мана çылăхран ÿкĕннĕ чух хапăл туса илсем, Хăвăн чăнлăхна пĕлме ăса кĕртсем, манăн тăшман япали, тăшман çимĕçĕ пулас марччĕ; эй Çăлакан, Эсĕ Ху хĕрхенсем мана!

Эй таса пурăнăçлă Мария аннемĕр, пирĕншĕн Турра тархасла.

Эй таса пурăнăçлă Мария, эсĕ Иордан шывĕ урлă каçса кайсан, ÿт аскăнлăхĕнчен хăтăлса, пăтăрмахсăр канăçлăх тупнă, - вăл ÿт аскăнлăхĕнчен пире те Хăвăн кĕллÿпе хăтар.

Эй таса пурăнăçлă Мария аннемĕр, пирĕншĕн Турра тархасла.

Эй Мария, эсĕ усал шăтăка путса анса кайнă чух, аллусене хĕрхенекен кăмăллă Турă патнелле тăснă та, Вăл вара, пурне те çăласшăн тăрăшаканскер, этеме юратнă тăрăх, Петра ярса тытнă пек, Сана та ырă аллисемпе ярса тытнă.

Эй таса пурăнăçлă Андрей аттемĕр, пирĕншĕн Турра тархасла.

Эй пит телейлĕ Андрей, эсĕ пирĕн аттемĕрсенĕн мухтавĕ; Виç-ипостаçлĕ Таса Турă умĕнче пире асапран хăтармашкăн хăвăн кĕллÿпе пирĕншĕн хута кĕрсе тăма ан чарăнсам. Эй Крит илемĕ, эпир сана пĕтĕм кăмăлтан юратса: «Турă умĕнче пирĕншĕн хута кĕрсем», тесе йăлăнатпăр.

Мухтав Ашшĕне, Ывăлне, Святой Сывлăшне.

Эй Виç-ипостаçлĕ пĕр Святой Турă! Эсĕ, Турăлăхупа уйăрăлмасăр тăрса, ипостаçÿсемпе хутăшмасăр тăратăн; пĕрле патшара ларакан, пĕрле престол çинче ларакан Турă, Санран эпĕ Турра пĕлекен пулатăп; Сана Çÿлте виçшер хут асăнса юрлакан чаплă юрра мухтаса юрлатăп.

Халĕ те, кирек хăçан та, ĕмĕр-ĕмĕрех. Аминь.

Эй Турра çуратнă Хĕр, Эсĕ Ача çуратсан та хĕр хальлĕн юлнă, малтан та, кайран та Эсĕ этемлĕхÿпе Таса Хĕр хальлĕн тăратăн; Санран çурални Вăл тĕнче йĕркисене çĕнетет, çавăнпа Таса Хĕр варĕ те Ача çуратмалла пулнă. Турă тăвас тесен, тĕнче йĕрки те улăшăнать: Вăл тăвас тенинех туса пырать.

 

5-мĕш юрă

 

ИРМОС. Эй этеме савакан Турă! Сана тархаслатăп: çĕрлеренпе тăрса кĕлтăвакан çыннуна çутăлтар; эй Çăлакан, Ху хушнисене тума кăтартса пыр, Хăвăн ирĕкне тума вĕрент мана (2 хут).

Эй Турă, хĕрхенсем мана, хĕрхенсем.

Эпĕ хам пурăнăçăма пĕрмаях çĕрлехи тĕттĕмре пурăнса ирттертĕм; çылăхăн çĕрĕ маншăн пăч тĕттĕмччĕ, хура тĕтреччĕ; эй Çăлакан, ĕнтĕ çутă кунăн ачи ту мана.

Эй Турă, хĕрхенсем мана, хĕрхенсем.

Эпĕ, мĕскĕнскер, Рувим пек пулса, Çÿлти Турă умĕнче йĕркесĕр усал ĕç турăм: вăл ашшĕ вырăнне ирсĕре кăларнă пек, эпĕ хам вырăна ирсĕр турăм.

Эй Турă, хĕрхенсем мана, хĕрхенсем.

Эй, Христос, эй Патша! Сана каласа паратăп: эпĕ çылăха кĕтĕм, авал тăванĕсем Иосифа, ырăлăхпа тасалăхран пулнăскере, сутса янă пек, çылăха кĕтĕм.

Эй Турă, хĕрхенсем мана, хĕрхенсем.

Таса чуна тăванĕсемех çыхса пăрахнă, ытарма çукскере чура пулма сутса янă; ку ĕç Христос Турă çинчен пĕлтернĕ; эй чунăм, эсĕ те хăвна ху çав усал ĕçÿсем пирки сутса ятăн!

Эй Турă, хĕрхенсем мана, хĕрхенсем.

Эй мĕскĕн, юрăхсăр чунăм! Эсĕ сăваплă таса Иосиф пек ăслă пул: пĕрмай йĕркесĕр хăтланса, ăссăрланса, асса хăвна ху ан ирсĕрлет.

Эй Турă, хĕрхенсем мана, хĕрхенсем.

Эй Патша Турă! авал Иосиф шăтăкра пулнă, вăл Эсĕ çĕре кĕрсе чĕрĕлсе тăрассине пĕлтернĕ: эпĕ хăçан та пулсан çавăн пеккине тума пултарăп-ши вара?

Эй Турă, хĕрхенсем мана, хĕрхенсем.

Эй чунăм, авал Моисей сăпка пекскерĕн ăшĕнче шыв хумĕсем çинче юхса çÿрени пирки тата Фараон шухăшласа хунă усал вилĕмрен хăтăлни çинчен эсĕ илтнĕ.

Эй Турă, хĕрхенсем мана, хĕрхенсем.

Эй мĕскĕн чунăм, ĕлĕк тасалăхпа пулнă ывăл ачасене вĕлерекен эпи карчăксем çинчен эсĕ илтнĕ; ĕнтĕ халĕ эсĕ, чаплă Моисей сĕт ĕмнĕ пек, ăслăлăхпа тăранса пурăн.

Эй Турă, хĕрхенсем мана, хĕрхенсем.

Эй мĕскĕн чунăм, чаплă Моисей Египет çыннине çапнă пек, эсĕ те ăсна çапрăн та ăна вĕлереймерĕн, кала ĕнтĕ: аскăн шухăшсенĕн пушă хирне эсĕ ÿкĕнсе епле вырăнаçăн?

Эй Турă, хĕрхенсем мана, хĕрхенсем.

Аслă Моисей пушă хире вырăнаçнă; эсĕ те, чунăм, кай та вăл пурăннă пек пурăнма тăрăш, вара хăва тĕмĕнче курăннă Турра курмалла пул.

Эй Турă, хĕрхенсем мана, хĕрхенсем.

Эй чунăм, Моисейĕн тинĕсе çапса, шыва хытарса хунă туйи вырăнне эсĕ мухтавлă хĕрес паллине ту, унпала эсĕ те пысăк ĕçсем тума пултаратăн.

Эй Турă, хĕрхенсем мана, хĕрхенсем.

Аарон Турă умне пăтранман таса вут хурса тăнă; эй чунăм, Офнипе Финеес Турă умĕнче, сан пек, Турра юрăхсăр таса мар пурăнăçпа пурăннă.

Эй Турă, хĕрхенсем мана, хĕрхенсем.

Эй Патша Турă, кăмăлăмпа эпĕ хаярланнă Фараон пек пултăм, ÿтĕмпе те чунăмпа Ианнийпе Иамврий пек пултăм, çитменнине тата ăсăм манăн çÿхалнă, ĕнтĕ пулăш мана.

Эй Турă, хĕрхенсем мана, хĕрхенсем.

Эй Патша Турă, ăсăмпа эпĕ пылчăкпала лапăртанса пĕтрĕм, ĕнтĕ Сана тархаслатăп, хамăн шыв пек куççулĕпе çуса тасат, ÿтĕмĕн тумтирне юр пек шурă ту.

Эй Турă, хĕрхенсем мана, хĕрхенсем.

Эй Çăлакан, эпĕ хамăн ĕçĕмсене тĕрĕслеме тытăнсан çылăха кĕрсе хам пур çынсенчен те иртсе кайнине куратăп: эпĕ пĕлмесĕр кĕмен мар, ăспала пĕлсех çылăха кĕнĕ.

Эй Турă, хĕрхенсем мана, хĕрхенсем.

Эй Турă, Ху пултарнă çыннуна хĕрхенсем, хĕрхенсем! Эпĕ çылăха кĕтĕм, каçар мана; пĕр Эсĕ анчах Турăлăхупа таса тăратăн, Санран пуçне урăх никам та айăпсăр тăраймасть.

Эй Турă, хĕрхенсем мана, хĕрхенсем.

Эй Çăлакан, Эсĕ, Турă пулин те, маншăн ман тĕслĕ пултăн, Эсĕ тĕрлĕ хăватсем тунă: юхан-суранлисене сыватнă, хăр суранлисене тÿрлетнĕ, тумтирÿ çумне сĕртĕннипех юн юхакан арăмăн юнне чарнă.

Эй Турă, хĕрхенсем мана, хĕрхенсем.

Эй чунăм, эсĕ хутланса хытса ларнă арăм пек пул: Иисус ури патне килсе пуççап, Вăл сана та тÿрлеттĕр, вара эсĕ те Турă çулĕпе каймалла пул.

Эй Турă, хĕрхенсем мана, хĕрхенсем.

Эй Патша Турă, Эсĕ тарăн пусă пекех: ĕнтĕ Хăвăн чăн таса аяккунтан шыв кăларса пар, эпĕ те, Самария арăмĕ пек, пĕрре ĕçсен, манăн текех ăш хыпмалла ан пултăр; Эсĕ чĕрĕлĕх шывĕ кăларса тăратăн.

Эй Турă, хĕрхенсем мана, хĕрхенсем.

Эй Патша Турă! Юхакан куççулĕ манăн хамшăн Силоам шывĕпе пĕрлех пултăрччĕ, эпĕ те вара чунăм куçне çуса тасатам та Сана, ĕмĕртен малтанхи Çутта, ăшăмра курса тăмалла пулам.

Эй таса пурăнăçлă Мария аннемĕр, пирĕншĕн Турра тархасла.

Эй чăн телейлĕ Мария! Эсĕ чĕрĕлĕх паракан йывăç хĕресе тем пек пикенсе пуççапасшăн пулнă та, ху кăмăл тунине тума тивĕçлĕ пулнă; ĕнтĕ мана та Çÿлти мухтавлăха кĕме тивĕçлĕ ту.

Эй таса пурăнăçлă Мария аннемĕр, пирĕншĕн Турра тархасла.

Эй таса пурăнăçлă Мария, эсĕ Иордан шывĕ урлă каçса кайсан, ÿт аскăнлăхĕнчен хăтăлса, пăтăрмахсăр канăçлăх тупнă, - вăл ÿт асканлăхĕнчен пире те Хăвăн кĕллÿпе хăтар.

Эй таса пурăнăçлă Андрей аттемĕр, пирĕншĕн Турра тархасла.

Эй пит ăслă Андрей, эсĕ чи лайăх, чи тивĕçлĕ архиерей; сана пĕтĕм кăмăлтан хисеплесе тархаслатăп: хăвăн юрăхлă кĕллÿпе çăлса, мана ĕмĕрлĕх пурăнăçа кĕмелле тусам.

Мухтав Ашшĕне, Ывăлне, Святой Сывлăшне.

Эй Виç-ипостаçлĕ Турă! эпир Сана, пĕртен-пĕр Турра, мухтатпăр: эй Атте Турă, Ывăл Турă, Сывлăш Турă, Эсĕ Святой, Святой, Святой!

Эсĕ - Ху тĕллĕн тăраканскер, эпир яланах пуççапакан пĕр Турă.

Халĕ те, кирек хăçан та, ĕмĕр-ĕмĕрех. Аминь.

Эй сиен курман, арçынна пĕлмен Ама пулнă Таса Хĕр!

Ĕмĕрсене пултаракан Турă Сан ăшунта ман этемлĕхе Хăй çине илнĕ, ман этемлĕхе Хăйпе пĕрле пĕрлештернĕ.

 

 

 

6 мĕш юрă

 

ИРМОС. Эпĕ пĕтĕм чунтан-вартан ырă кăмăллă Турра тархасларăм та, Вăл мана, çĕр тĕпĕнчи тамăкра тăраканскере, илтрĕ, чунăма пĕтес çĕртен кăларчĕ (2 хут).

Эй Турă, хĕрхенсем мана, хĕрхенсем.

Эй Çăлакан, хам куçăмран юхакан куççульсене Сан умна чăн кăмăлтан кÿретĕп, ăшран хуйхăрса пĕтĕм чĕререн калатăп: эй Турă, эпĕ Сан умăнта çылăха кĕтĕм, хĕрхен мана!

Эй Турă, хĕрхенсем мана, хĕрхенсем.

Эй чунăм, Дафанпа Авирон пек, эсĕ Турăран писрĕн, ĕнтĕ хăвна çĕр уçăлса çăтса ан ятăр тесе, тамăк тĕпĕнчен йăлăнса: хĕрхенсем! тесе йăлăн.

Эй Турă, хĕрхенсем мана, хĕрхенсем.

Эй чунăм, вăйпитти тына пек шухăланса кайса, эсĕ Ефрем пек пултăн: ĕнтĕ ĕçленипе, витĕр курса тăнипе хăвăн ăсна çÿнатлантарса, хир качаки танатаран сыхланнă пек, пурăнăçна сыхласа тăр.

Эй Турă, хĕрхенсем мана, хĕрхенсем.

Эй чунăм, Моисейĕн алли ĕнентертĕр пире, усала тухнă пурăнăçа Турă тасатса шуратма пултарать, ĕнтĕ эсĕ, суранланса пĕтнĕ пулин те, хăвăн шанчăкна пĕтĕмпех ан çухат.

Эй Турă, хĕрхенсем мана, хĕрхенсем.

Эй Çăлакан, Хĕрлĕ тинĕсри хумсем хупласа Египет çыннисене те, утлă çарĕсене те шыв айне тунă пек, çылăхсенĕн хумĕсем те мана сасартăк хупласа хучĕç.

Эй Турă, хĕрхенсем мана, хĕрхенсем.

Эй чунăм, авалхи Израиль халăхĕ пек, эсĕ суйласа илни те ăслă мар; ăссăрланса, тутла юратса, аскăнлăхпа тăранса пурăннипе эсĕ Турă панă маннăран мала хутăн.

Эй Турă, хĕрхенсем мана, хĕрхенсем.

Эй чунăм, эсĕ Хананейсем пек шухăшланă шухăшсенĕн çăлкуçĕсене шыв тымарлă чултан та мала хутăн; унти ăслăлăх Турă сăмахĕсене, чашăкри шыв пек, кăларса тăрать.

Эй Турă, хĕрхенсем мана, хĕрхенсем.

Эй чунăм, эсĕ хуранри сысна ашне, Египетри апата, пушă хирти ăссăр халăх пек, Çÿлти апатран мала хутăн.

Эй Турă, хĕрхенсем мана, хĕрхенсем.

Эй Çăлакан, Санăн чуру Моисей, туйипеле чула çапнă чух, Санăн чĕрĕ тăвакан аяк пĕрчи çинчен малтанах пĕлтернĕ, унтан эпир чĕрĕлĕх шывне ĕçетпĕр.

Эй Турă, хĕрхенсем мана, хĕрхенсем.

Эй чунăм, пехиллесе панă çĕре, эсĕ те, Иисус Навин пек, вăл еплине курса пĕл, закон хушни пек туса, унта кĕрсе вырăнаç.

Эй Турă, хĕрхенсем мана, хĕрхенсем.

Иисус Амалик халăхĕпе вăрçнă пек, чунăм, тăр та ÿт аскăнлăхне хирĕç кай; Гаваон çыннисенни пек чее шухăшусене çĕнтерсе пыр.

Эй Турă, хĕрхенсем мана, хĕрхенсем.

Эй чунăм! Турă калать: авал кивота Иордан урлă каçарнă пек, эсĕ те иртсе пыракан вăхăта чипер ирттерсе яр, пехиллесе панă çĕре кĕр, тет.

Эй Турă, хĕрхенсем мана, хĕрхенсем.

Эй Çăлакан, Эсĕ тархасласа чĕнекен Петра васкаса пырса çăлнă, çавăн пек аллуна тăсса, мана та тискер кайăкран хăтар, çылăх тĕпĕнчен кăлар.

Эй Турă, хĕрхенсем мана, хĕрхенсем

Эй Патша! Патша Турă Христос!

Эпĕ пĕлетĕп, Эсĕ чарăнса тăмалли лăпкă вырăн; ĕнтĕ васкаса килсе мана тухма çук çылăх тĕпĕнчен, шанчăкăм çук çĕртен хăтар.

Эй Турă, хĕрхенсем мана, хĕрхенсем.

Эй Çăлакан! Эпĕ - Санăн Патша сăнне авалах ÿкернĕ драхма; эй Сăмах Турă, ĕнтĕ Хăвăн умăнтан килекен çуттуна çутса яр, Хăвăн сăнна ÿкернĕскере, шыраса тупсам.

Эй Турă, хĕрхенсем мана, хĕрхенсем.

Тăр та, Иисус Навин Амалик халăхне çĕнтернĕ пек, эсĕ те хăвăн ÿтÿ аснине çĕнтерсе тăр, Гаваон çыннисем пек астаракан шухăшсене те яланах аяла туса пыр.

Эй таса пурăнăçлă Мария аннемĕр, пирĕншĕн Турра тархасла.

Эй Мария, санăн чуну пек çуннă, эсĕ, аскăнлăх вутне сÿнтересшĕн йĕрсе, темĕн чухлĕ куççулĕ тăкнă, çав куççулĕ тивлетне мана та, хăвăн чуруна, парсам.

Эй таса пурăнăçлă Мария аннемĕр, пирĕншĕн Турра тархасла.

Эй анне! Эсĕ, çĕр çинче пит таса пурăнса, Çÿлти пек асапсăра тухнă; ĕнтĕ хăвна мухтаса юрлакансене асапран хăтарма кĕлтуса тăр.

Эй таса пурăнăçлă Андрей аттемĕр, пирĕншĕн Турра тархасла.

Эй Андрей атте, эсĕ Критри кĕтÿçĕ, унти архиерей; эсĕ пĕтĕм тĕнчешĕн кĕлтăвакан иккенне пĕлсе, сана йăлăнсах тархаслатăп: çылăх тĕпсĕрлĕхĕнчен кăларсам мана.

Мухтав Ашшĕне, Ывăлне, Святой Сывлăшне.

Ашшĕ, Ывăлĕ, Святой Сывлăшĕ калаççĕ: Эпĕ ипостаçсемпе уйрăм тăракан, уйăрăлми, пĕр хальлĕн тăракан Виç-ипостаçлĕ пĕртен-пĕр Турă, теççĕ.

Халĕ те, кирек хăçан та, ĕмĕр-ĕмĕрех. Аминь.

Эй Турă Амăшĕ, пирĕн тĕслĕ пулнă Турă Сан ăшунтан пирĕншĕн çуралнă. Çавна, пурне те пултаракан Турра, тархасла: Эсĕ кĕлтунипе пирĕн айăпсăра тухасчĕ.

Эй Турă, çырлах (3 хут).

Мухтав Ашшĕне, Ывăлне, Святой Сывлăшне, халĕ те, кирек хăçан та, ĕмĕр-ĕмĕрех. Аминь.

 

 

Кондак, 6-мĕш кĕвĕпе

 

Эй чунăм, чунăм, тăр, мĕншĕн çывăратăн? Пурăнăç пĕтсе килет, эсĕ хăрамалла пулăн. Ĕнтĕ сыхă тăр: Христос Турă сана хĕрхентĕр, Вăл пур çĕрте те пур, пурне те пултарать.

 

7-мĕш юрă

 

ИРМОС. Эй аттемĕрсенĕн Турри, эпир Сан умăнта çылăха кĕтĕмĕр, йĕркесĕр пурăнтăмăр, тĕрĕс мара турăмăр, Эсĕ хушнине туса, тытса тăмарăмăр: ĕнтĕ пĕтĕмпех ан пăрахсам пире (2 хут).

Эй Турă, хĕрхенсем мана, хĕрхенсем.

Эпĕ çылăха кĕтĕм, йĕркесĕр пурăнтăм, Эсĕ хушнине тумарăм: эпĕ малтанах çылăхпа çуралнă, хам суранăмсем çумне татах сурансем хушрăм.

Эй аттемĕрсенĕн ырă кăмăллă Турри, Хăвах хĕрхенсем мана.

Эй Турă, хĕрхенсем мана, хĕрхенсем.

Эпĕ Сана, хам Тÿреме, ăшăмри вăрттăн шухăшăмсене те кăларса каласа патăм; ман йăвашлăхăм çине пăхсам, эпĕ хуйхăрнине курсам, хама хам суд тунине тăнласам ĕнтĕ. Эй аттемĕрсенĕн ырă кăмăллă Турри, Хăвах хĕрхенсем мана.

Эй Турă, хĕрхенсем мана, хĕрхенсем.

Авал Саул хăй ашшĕн ашакĕсене çухатнă та, вĕсем çинчен хыпар илнĕ чух, кĕтмен çĕртенех патшалăх та илнĕ; эй чунăм, асту ĕнтĕ: выльăх шухăшлă пулса кайса, Христос Патшалăхĕ çинчен ан ман.

Эй Турă, хĕрхенсем мана, хĕрхенсем.

Турă ашшĕ Давид ĕлĕк пысăк çылăха кĕнĕ: вăл аскăнлăхпа ухă тăрăннă пек суранланнă, çынна вĕлерттернĕшĕн хаярлăхăн сăнни ăна çĕмĕрнĕ; эй чунăм, анчах эсĕ тата йывăртарах ĕçпе, ху кăмăлна килекен шухăшусемпе асапланса хĕн куратăн.

Эй Турă, хĕрхенсем мана, хĕрхенсем.

Давид ĕлĕк, çынна вĕлернипе аскăн ĕç туса, йĕркесĕр ĕç çумне йеркесĕр ĕç хушнă, анчах вăл часах пит хытă ÿкĕннĕ. Эй киревсĕр чунăм, ху пит пысăк çылăхсем тунă пулин те, эсĕ Турă умĕнче ÿкĕнмерĕн.

Эй Турă, хĕрхенсем мана, хĕрхенсем.

Давид ĕлĕк, картина ÿкерсе кăтартнă пек, пĕр юрă çырнă; çав юрăра вăл, хăй çылăха кĕрсе тунă ĕçне питлесе, çапла каланă: хĕрхенсем мана, эпĕ Сан умăнта, пуринĕн те пĕртен-пĕр Турри умĕнче, çылăха кĕтĕм, Хăвах тасатсам мана, тенĕ.

Эй Турă, хĕрхенсем мана, хĕрхенсем.

Закон арчи урапа çинче пынă чух, вăкăрĕ аяккалла пăрăнсан, пĕр Оза ятлăскер закон арчине тĕртĕнсенех Турă хаярне курнă: эй чунăм, ун пек хăюллă пуласран сыхлан, таса япаласене ырă кăмăлтан хисепле.

Эй Турă, хĕрхенсем мана, хĕрхенсем.

Эсĕ Авессалом çинчен илтнĕ, епле вăл тĕнче йĕркине хирĕç кайнă; вăл йĕрĕнчĕк тунине пĕлетĕн, çапла вăл хăй ашшийĕн Давидăн вырăнне вараланă; анчах эсĕ ху та, чунăм, аскăнланса киленме юратни хыççăн кайрăн.

Эй Турă, хĕрхенсем мана, хĕрхенсем.

Эй чунăм, эсĕ хăвăн ирĕклĕ тăракан аслăлăхна ÿт аллине панă, эсĕ тепĕр Ахитофел пек тăшман тĕлне пулса, вăл ăс пани хыççăн кайрăн; анчах сана пĕтĕмпех çăласшăн Ахитофел вĕрентнине Христос Хăй пăрахăçа кăларнă.

Эй Турă, хĕрхенсем мана, хĕрхенсем.

Чаплă Соломон, ăс-хакăлĕ нумай пулнăскер, авал Турă умĕнче усал ĕç тунă та, Унран сивĕннĕ. Эй чунăм, анчах эсĕ ху та ылхана тивĕçлĕ пурăнуçупа ун майлă пултăн.

Эй Турă, хĕрхенсем мана, хĕрхенсем.

Аскăнлăх астарнă хыççăн кайса, вăл Соломон ирсĕре тухнă. Ах, хуйхă-çке! Ăслăлăхшăн тăрăшаканскер ялташка арăмсене юратакан пулнă, Турра пăрахнă.

Эй чунăм, ирсĕр аскăнлăх хыççăн кайса, ăсупала ун пек пултăн.

Эй Турă, хĕрхенсем мана, хĕрхенсем.

Эй чунăм, эсĕ ватă çын ăс панине итлемен Ровоам пек тата авал хирĕç тăракан усал чура Иеровоам пек пултăн, вĕсем пек пулма пăрах, Турра тархасла: çылăха кĕтĕм, хĕрхенсем мана, тесе йăлăн.

Эй Турă, хĕрхенсем мана, хĕрхенсем.

Эй чунăм, эсĕ, Манассия пек, çылăхусене ху ирĕкÿпе туса нумайлатрăн, ирсĕр кĕлеткесем вырăнне эсĕ аскăн шухăшусене хисепе кăлартăн, йĕрĕнчĕк япаласем нумай турăн; ĕнтĕ, Манассия пек, ăшă кăмăлпа ÿкĕнсе кăмăлна çемçет.

Эй Турă, хĕрхенсем мана, хĕрхенсем.

Эй чунăм, хуйхă-çке мана!

Эсĕ Ахав пек пур ирсĕре туса пурăнтăн, эсĕ ÿт ирсĕрлĕхĕ тăракан вырăн пултăн; ĕнтĕ пĕтĕм ăшунтан хуйхăрса Турра хăвăн çылăхусем çинчен каласа кăтарт.

Эй Турă, хĕрхенсем мана, хĕрхенсем.

Эй чунăм, авал Ахав патша Фесвит Илия каланине итлемен те, пĕлĕт хупăннă, çавăн пек саншăн та пĕлĕт хупăнса тăрать. Ĕнтĕ Сарептăри тăлăх арăм пек пул, пророк чунне тăрантарса усра.

Эй Турă, хĕрхенсем мана, хĕрхенсем.

Эй чунăм, авал Илия Ахава питлесшĕн Иезавелĕн çыннисене, йĕрĕнчĕкскерĕн пророкĕсене, икĕ хутчен аллăшар çын çунтара-çунтара янă; ĕнтĕ эсĕ те, вĕсем пек, иккĕшĕн пек, пуласран тарса çÿре, чăтăмлă, çирĕп пул.

Эй Турă, хĕрхенсем мана, хĕрхенсем.

Вăранакан çыннăн тĕлĕкĕ çухалнă пек, ман кун-çулăмсем çухалса иртсе кайрĕç; çавăнпа та ĕнтĕ эпĕ, Езекия пек, хам вырăнăм çинче йĕретĕп: манăн пурăнас кун-çулăмсем вăрăма кайччăрччĕ, тетĕп.

Эй чунăм, анчах сан патна пуринĕн те Турри Хăй пымасан, Исаия мĕнле килсе тăтăр?

Эй Турă, хĕрхенсем мана, хĕрхенсем.

Эй Патша Турă!

Эпĕ Сана ÿксе пуççапатăп, куççулĕ вырăнне Сан умăнта çак сăмахсене калатăп: эпĕ çылăха кĕнĕ пек аскăн арăм та çылăха кĕмен, эпĕ çĕр çинче урăх никам туман йĕркесĕр ĕçсем туса пурăнтăм; çапах та ĕнтĕ, Ху пултарнине хĕрхенсе, мана Ху патна чĕнсе ил.

Эй Турă, хĕрхенсем мана, хĕрхенсем.

Хама, Санăн сăнлă пулнăскере, çĕре пытартăм, Санăн сăмахна пăсрăм; пĕтĕм ырă илем манăн тĕксĕмленнĕ, çуттăм та манăн аскăнлăхпа сÿнсе ларнă; эй Çăлакан, хĕрхенсем мана. Давид каларăшле, савăнăçна тавăрса пар мана.

Эй Турă, хĕрхенсем мана, хĕрхенсем.

<span quot;,span="" style="quot;;" mso-bidi-font-family:p="" class="style=&quot;font-size:12.0pt;font-family:&quot;PT" sans&quot;,&quot;sans-serif&quot;"="">Эй чунăм! каялла тавăрăн, ÿкĕн, ăшунтине уçса кăтарт, пурне те пĕлекен Турра çапла кала: эй Çăлакан, манăн ăшрине пĕр Эсĕ анчах пĕлетĕн, ĕнтĕ Давид каланă пек, Хăвăн ырлăхупа Хăвах хĕрхенсем мана, тесе кала.

Эй таса пурăнăçлă Мария аннемĕр, пирĕншĕн Турра тархасла.

Эсĕ Туррăн чăн Таса Амăшне чĕнсе тархасланă та, чăн малтан усал шухăшсем хаярланса асса кайнине чарса хунă, вара астаракан тăшмана намăса хăварнă; халĕ ĕнтĕ мана, хăвăн чуруна, хурлăхра пулăшса тăр.

Эй таса пурăнăçлă Мария аннемĕр, пирĕншĕн Турра тархасла.

Эй таса пурăнăçлă Мария!

Хăвăн чурусемшĕн халĕ Христос Турра тархасла, Вăл пуриншĕн те хĕрхенекен кăмăллă пулинччĕ, Хăйне пуççапаканĕсенĕн канлĕ пурăнăçне упраса тăринччĕ: эсĕ Ăна юратса, Уншăн тĕмсĕлсе пурăннă, хăвăн ÿтне те Уншăн чурана кăларнă.

Эй таса пурăнăçлă Андрей аттемĕр, пирĕншĕн Турра тархасла.

Эй Андрей атте, сана кĕлтăватăп: эсĕ мана чул çине çырнă йĕрки çинчен тĕрĕс шухăшлаттар; Турăран хăраса тăмалла тусам.

Мухтав Ашшĕне, Ывăлне, Святой Сывлăшне.

Виç-ипостаçлĕ Турра Хăй тĕллĕн тăракан, уйăрăлми, пĕр хальлĕн, пĕр хевтеллĕ Виç-ипостаçлĕ Турă тесе мухтаса юрлаççĕ; çутăсем пек, çутă пек, виçĕ Святойлă пĕр Святой.

Эй чунăм, эсĕ те ĕнтĕ Пурăнăç Паракана, Пурăнăç Паракансене, пуринĕн те Туррине аслăласа мухта.

Халĕ те, кирек хăçан та, ĕмĕр-ĕмĕрех. Аминь.

Эй Турă Амăшĕ, эпир Сана мухтаса юрлатпăр, аслăлатпăр, пуççапатпăр: Эсĕ Виç-ипостаçлĕ Турăран Пĕрне, Христос Турра, çуратнă, вара пире, çĕр çинче пурăнакансене, Пĕлĕт çинчене уçса панă.

 

8 мĕш юрă

 

ИРМОС. Пур чун та, пур япала та, Турра ĕмĕр-ĕмĕрех мухтаса юрлăр, аслăласа тăрăр, Ăна Çÿлти çарсем мухтаса тăраççĕ.

Ун умĕнче Херувимсемпе Серафимсем те чĕтĕресе тăраççĕ (2 хут).

 

 

Эй Турă, хĕрхенсем мана, хĕрхенсем.

Эй Çăлакан, хĕрхенсем мана, çылăхлă çынна, ман ăсăма ÿкĕнме вĕрентсем; мана, ÿкĕнекенскере, хапăл тусам; мана, Хăвна йăлăнаканскере, хĕрхенсем; Сан умăнта çылăха кĕтĕм, çăл мана; йĕркерен тухса пурăнтăм, каçар мана.

Эй Турă, хĕрхенсем мана, хĕрхенсем.

Илия, ырă ĕçсем туса, урапа çине ларнă пек Çÿле çĕкленнĕ; ĕлĕк урапапа çĕр çинчисенчен пуринчен те Çÿле çĕкленсе кайнă. Эй чунăм, вăл Çÿле çĕкленсе кайни çинчен шахăшла ĕнтĕ.

Эй Турă, хĕрхенсем мана, хĕрхенсем.

Авал Елисей Илиян ырăлăхĕпе пĕрле Турăран пысăк тивлет илнĕ. Эй чунăм, чăтăмлăху çук пирки эсĕ çав тивлете илеймерĕн.

Эй Турă, хĕрхенсем мана, хĕрхенсем.

Елисей ĕлĕк Илиян ырăлăхĕ пулăшнипе Иорданăн юхăм шывне икĕ еннелле уйăрса тăратнă. Эй чунăм, чăтăмлăху çук пирки эсĕ çав тивлете илеймерĕн.

Эй Турă, хĕрхенсем мана, хĕрхенсем.

Сонам арăмĕ пĕрре сăваплă çынна вашават пăхса хăна тунă.

Эй чунăм, эсĕ хăвăн кил-çуртна ютри çынна та, çул çÿрене те кĕртмерĕн; çавăншăн ĕнтĕ сана хăвна та ырăлăх çуртĕнчен макăртса кăларса пăрахĕç.

Эй Турă, хĕрхенсем мана, хĕрхенсем.

Эй мĕскĕн чунăм, эсĕ яланах Гиезийĕн ырă мар ăсĕпе çÿрерĕн; ун пек укçа шухăшне ват кунлăхра та пулин пăрах ĕнтĕ, усал ĕçÿсене пăрахса тамăк вутĕнчен хăтăл.

Эй Турă, хĕрхенсем мана, хĕрхенсем.

Эй чунăм, эсĕ Озия пек хăтлантăн, çавăнпа ытлашшипех юхан-суранлă пултăн: эсĕ кирлĕ марри çинчен шухăшлатăн, йĕркесĕр ĕçсем те тăватăн. Ĕнтĕ хăвăн мĕн пуррине пăрах та ÿкĕнме кил.

Эй Турă, хĕрхенсем мана, хĕрхенсем.

Эй чунăм, çĕтĕк-çатăк тумтирсем тăхăнса, кĕл сапса Турă умĕнче ÿкĕннĕ Ниневия халăхĕ çинчен эсĕ илтнĕ; эсĕ вĕсем пек пуласшăн пулмарăн, эсĕ законран малтан та, законран кайран та çылăха кĕнисенчен усал пултăн.

Эй Турă, хĕрхенсем мана, хĕрхенсем.

Эй чунăм, эсĕ Иеремия çинчен илтнĕ, вăл пылчăклă шăтăкра йĕре-йĕре Сион хулине тархасланă, макăрма куççулĕ шыранă; унăн хурлăхлă пурăнăçĕпе пурăнма тытăн, вара çăлăнăн.

Эй Турă, хĕрхенсем мана, хĕрхенсем.

Ниневия çыннисем Турă енне çавăрăнассине пĕлсе, Иона Фарсиса тарнă: вăл, пророк пулнă тăрăх, Турă хĕрхенессине пĕлнĕ; тата вăл, пророк калани суяна ан тухтăрччĕ тесе, пикенсех çунса тăнă.

Эй Турă, хĕрхенсем мана, хĕрхенсем.

Эй чунăм, Даниил шăтăкра арăслан çăварĕсене хупса хунине эсĕ илтнĕ тата ачасем Азарияпа пĕрле Турра ĕненсе хĕмленекен вут çÿлăмне сÿнтернине илтнĕ.

Эй Турă, хĕрхенсем мана, хĕрхенсем.

Эй чунăм, сана ăса кĕртме авалхи саманара пурăннисене пурне те асна илтертĕм, ĕнтĕ сăваплă çынсем Турра юрăхлă тунă ĕçсене тума пикен, усал çынсем çылăха кĕнинчен пуринчен те пăрăнса çÿре.

Эй Турă, хĕрхенсем мана, хĕрхенсем.

Эй Çăлакан тĕрĕс Тÿре!

Мана вутран, асапран хĕрхенсе хăтар; эпĕ судра тивĕçллипе вăл асапа кĕмелле; мана виличчен малтан ырă ĕçсем тутарса, çылăхран ÿкĕнтерсе каçар.

Эй Турă, хĕрхенсем мана, хĕрхенсем.

Эй Çăлакан, эпĕ вăрă-хурах пек калатăп: асна ил мана, тетĕп; Петр пек эпĕ хытă йĕретĕп; мытарь пек йăлăнатăп; хĕрхен мана, аскăн арăм пек, куççулĕ тăкатăп, ĕлĕк Хананей арăмĕ йĕнине илтнĕ пек, эпĕ хурланса йĕнине те хапăл ил.

Эй Турă, хĕрхенсем мана, хĕрхенсем.

Эй Çăлакан, пĕртен-пĕр Эмелçĕ!

Манăн мĕскĕн чунăм çĕрсе кайнине тÿрлет; мана сиплекеннине çыпăçтар, эрехпе, çупа сĕр: вĕсем - ÿкĕнсе тунă ĕçсем, çемçелнĕ кăмăлпа йĕнĕ куççулĕсем.

Эй Турă, хĕрхенсем мана, хĕрхенсем.

Эпĕ, Хананей арăмĕ пек, Давид Ывăлне чĕнсе: хĕрхен мана, тетĕп; юн юхан арăм пек, Унăн тумтирĕ арки вĕçне сĕртĕнетĕп; Марфăпа Мария Лазарьшĕн макăрнă пек, макăратăп.

Эй Турă, хĕрхенсем мана, хĕрхенсем.

Эй Çăлакан, Сан пуçу çине савăтран миро юхтарнă пек, эпĕ хам куççулĕме тăкатăп, ырăлăх шыракан аскăн арăм пек, эпĕ те Сана тархаслатăп: Сан умăнта кĕлтăватăп, эпĕ те каçару ыйтнине тăнласа ил, тетĕп.

Эй Турă, хĕрхенсем мана, хĕрхенсем.

Эй Çăлакан ырă кăмăллă Турă, Сан умăнта ман пек никам та çылăха кĕмен, çапах та ĕнтĕ мана хапăл ил: эпĕ çылăхран хăраса ÿкĕнетĕп, Сана юратса калатăп: пĕр Сан умăнта çылăха кĕтĕм; эй хĕрхенекен кăмăлла Турă, хĕрхенсем мана! тетĕп.

Эй Турă, хĕрхенсем мана, хĕрхенсем.

Эй Çăлакан, Ху пултарнăскере хĕрхен; çÿхалнăскере кĕтÿçĕ пек шыраса туп; аташса кайнăскере малта ертсе пыр, кашкăртан туртса ил, Хăвăн сурăхусем çÿрекен çĕрти путек пек йышăн мана.

Эй Турă, хĕрхенсем мана, хĕрхенсем.

Эй Çăлакан, Эсĕ Хăвăн хĕрхенекен кăмăлупа Тÿре пулса ларсан, Хăвăн хăрушă аслăлăхна пĕтĕмпе палăртсан, епле хăрушă пулĕ ун чухне! Санăн хăрушă суду умĕнче пурте чĕтресе тăнă чух, кăмаки çунса тăрĕ.

Эй таса пурăнăçлă Мария аннемĕр, пирĕншĕн Турра тархасла.

Эй Мария! Сана Анса Ларми Çуттăн Амăшĕ çутăлтарса усал аскăнлăхран хăтарнă; ĕнтĕ хăвна чунтан мухтаса юрлакансене Сывлăшран тивлет илсе çутăлтар.

Эй таса пурăнăçлă Мария аннемĕр, пирĕншĕн Турра тархасла.

Эй анне, санăн чăн-чăнах хăватлă çĕнĕ ĕçне курсан, чаплă Зосима тĕлĕнсе кайнă: вăл чăннипех Ангела курнă, вара пит тĕлĕнсе кайса, Христоса ĕмĕр-ĕмĕрех аслăласа мухтанă.

Эй таса пурăнăçлă Андрей аттемĕр, пирĕншĕн Турра тархасла.

Эй Критри пысăк та мухтавлă Андрей, эсĕ Турă умĕнче хăюллă тăратăн. Сана эпĕ: «Вĕрентекен, таса пурăнăçлă çынсенĕн илемĕ», тесе тархаслатăп: хăвăн кĕллÿпе ман хута кĕрсем; эпĕ те çылăх çыххинчен салтăнса халĕ ирĕке тухам.

Мухтав Ашшĕне, Ывăлне, Святой Сывлăшне.

Эй ĕмĕртен малтанхи Атте Турă, ĕмĕртен малтанхи Ывăл Турă, чуна лайăх лăплантаракан Тÿрĕ Сывлăш; эй Сăмах Туррăн Ашшĕ, эй Атте Туррăн ĕмĕртен малтанхи Сăмахĕ, эй пурне те пултаракан, чĕрĕ тăвакан Сывлăш, эй пĕртен-пĕр Виç-ипостаçлĕ Турă, каçар мана.

Халĕ те, кирек хăçан та, ĕмĕр-ĕмĕрех. Аминь.

Эй чăн Таса Хĕр, тĕлĕнмелле хĕрлĕ тумтир - Эммануилăн ÿчĕ, çара хĕрлĕрен тĕртсе тунă тумтир пек, Сан ăшунта пулса тăнă; çавăнпа Сана тĕрĕссипех Турă Амăшĕ тесе хисеплетпĕр.

 

 

 

 

9 мĕш юрă

 

ИРМОС. Арсăр Ача çуралнине ăнласа илме çук; упăшкасăр Аманăн Ачи вилĕмсĕр пулнă; Турă çуралнипе этем йăхĕ çĕнелнĕ. Çавăнпа эпир, пур тĕрлĕ халăхсем те, Сана: Турă суйласа илнипе Ама пулнă Хĕр, тесе тĕрĕссипех аслăлатпăр (2 хут).

Эй Турă, хĕрхенсем мана, хĕрхенсем.

Ăсăм сиенлĕ, ÿтĕм халсăр, чунăм хуйхăллă, сăмах хăватсăра тухрĕ, пурăнăнăçăм пĕтрĕ; вилĕм алăк умĕнчех.

Эй мĕскĕн чунăм, Тÿре санăн ĕçÿсене тĕпчеме килсен, мĕн тăвăн ĕнтĕ эсĕ?

Эй Турă, хĕрхенсем мана, хĕрхенсем.

Эй чунăм, тĕнчене пултарни çинчен Моисей каласа панине эпĕ сана каласа патăм, унтан тата Çырура таса çынсемпе ырă мар çынсем каланисене те пурне те каласа кăтартрăм: анчах эсĕ, чунăм, ыррисем пек пулмарăн, усаллисем пек пултăн, Турра итлемесĕр çылăха кĕтĕн.

Эй Турă, хĕрхенсем мана, хĕрхенсем.

Закон саншăн хăватсăра тухрĕ, Евангели те ним тăваймасть, пĕтĕм Çырăва эсĕ ним вырăнне хумарăн; пророксемпе, сăваплă çынсем калани те пурте ахалех пулчĕ. Эй чунăм, сана сыватакан çук: санăн суранусем ĕнтĕ нумайланса кайрĕç.

Эй Турă, хĕрхенсем мана, хĕрхенсем.

Эй чунăм, эпĕ сана ÿкĕнтересшĕн Çĕнĕ Сăмахра каланисене каласа кăтартăп: ĕнтĕ эсĕ сăваплă çынсем пек пулма пикен, çылăхлă çынсенчен пăрăн: кĕлтуса, типĕ тытса, таса, айăпсăр пулса Христос кăмăлне çавăр.

Эй Турă, хĕрхенсем мана, хĕрхенсем.

Христос Этем пулнă; Вăл вăрă-хурахсене, çылăхлă арăмсене çылăхсенчен ÿкĕнме чĕннĕ. Эй чунăм, ÿкĕн ĕнтĕ, Патшалăха кĕмелли алăк уçă тăрать; унта фарисейсем, мытарьсем, аскăн ĕç тăвакансем, çылăхĕсенчен ÿкĕнсе, пĕрин хыççăн тепри кĕреççĕ.

Эй Турă, хĕрхенсем мана, хĕрхенсем.

Христос ÿтленсе, манпа пĕр пулса, Этем пулнă, Хăй ирĕкĕпе Вăл этем тăвакан ĕçе, çылăхран пуçне, пурне те тунă; çапла, чунăм, Вăл сана епле майпа, епле хĕрхенекен кăмăллă пулмаллине кăтартнă.

Эй Турă, хĕрхенсем мана, хĕрхенсем.

Христос çăлтăрçăсене çăлнă, кĕтÿçĕсене Хăй патне чĕнсе илнĕ, темĕн чухлĕ ачасене асап курса мухтава тухмалла тунă, сăваплă мучипе ватăлса кайнă тăлăх арăма мухтава кăларнă; эй чунăм, эсĕ вĕсем тунă пек, вĕсем пурăннă пек тăвасшăн пулмарăн; ĕнтĕ хăвна суд тунă чух хуйхă пулĕ сана.

Эй Турă, хĕрхенсем мана, хĕрхенсем.

Христос Турă Хăйĕн этемлĕхĕпе пушă хирте хĕрĕх кун ĕçмесĕр-çимесĕр пурăнсан кайран, Хăйĕн этемлĕхне палăртса, Вăл выçнăран çиесшĕн пулнă.

Эй чунăм, ху çине тăшман тăрсан, ан хуйхăр, ăна хăвăн уру патĕнчен типĕ тытса кĕлтунипе сирсе тăр.

Эй Турă, хĕрхенсем мана, хĕрхенсем.

Христоса усал сăнанă; шуйттан ăна чулсем çине кăтартса, вĕсем çăкăр пулччăр тесе сăнанă; тата куçа мăч хупса илнĕ хушăра пĕтĕм тĕнчери патшалăхсене кăтартма ту тăрне илсе хăпарнă; ĕнтĕ, чунăм, лекесрен хăра, сыхă тăр, Турра яланах кĕлту.

Эй Турă, хĕрхенсем мана, хĕрхенсем.

Пушă хире юратакан улатăпа, чĕнекен сасă, Христосăн çути, сасă кăларса: ÿкĕнĕр, тесе вĕрентнĕ; Иродĕ Иродиадăпа асса пурăннă; эй чунăм, асăрхан ĕнтĕ, санăн та усал танатине çакланмалла ан пултăр, - çылăхран ÿкĕнме юрат.

Эй Турă, хĕрхенсем мана, хĕрхенсем.

Тивлет умĕнхи Иоанн пушă хирте пурăннă. Пĕтĕм Иудеяран, пĕтĕм Самарияран ун патне итлеме çÿренĕ, чунтан шыва кĕрсе хăйсен çылăхĕсене каласа панă. Эсĕ, чунăм, вĕсем пек пулма тăрăшмарăн.

Эй Турă, хĕрхенсем мана, хĕрхенсем.

Мăшăрланни ырă, вара вырăн та айăпсăр: авал вĕсене Христос Хăй пилленĕ; Кана хулинче ÿчĕпе апат çисе, шывран эрех хатĕрлесе малтанхи тĕлĕнмелле ĕçне тунă; эй чунăм, ăна сана ырăланма тунă.

Эй Турă, хĕрхенсем мана, хĕрхенсем.

Христос хăр суранлă çынна, тĕреклĕлетсе, вырăнне йăттарнă; тăлăх арăмăн вилнĕ ывăлне, çамрăкскере, чĕртсе тăратнă; çĕр çын пуçлăхĕн чурине сыватнă; Хăй Камне Самария арăмне пĕлтерсе, сана, чунăм, Турра сывлăшпа кĕлтумалине çинчен кăтартса панă.

Эй Турă, хĕрхенсем мана, хĕрхенсем.

Эй мĕскĕн чунăм, сана çăлăнмашкăн Турă юн юханлă арăма сĕртĕннипех сыватнă, юхан-суранлă çынсене тасатнă, суккăрсене, уксахсене çутăлтарса тÿрлетнĕ, чĕлхесĕрсене, асат хуçнисене сăмахĕпех сыватнă.

Эй Турă, хĕрхенсем мана, хĕрхенсем.

Сăмах Турă Христос, чирлĕ çынсене сыватнă, юрлисене ырă хыпар каланă, çĕмĕрĕлнисене тÿрлетнĕ, мытрьсемпе пĕрле апат çинĕ, çылăхлисемпе калаçнă, Иаирĕн чунĕ тухса кайнă хĕрне аллипе сĕртĕнсех чĕртсе тăратнă.

Эй Турă, хĕрхенсем мана, хĕрхенсем.

Мытарь те çăлăннă, аскăн арăм тасана тухнă, мухтанакан фарисей айăпа юлнă; пĕри: хĕрхенсем мана, тенĕ; тепри: каçар мана, тенĕ; кайранхийĕ: эй Турă, тавтапуç Сана, тенĕ, ытти кирлĕ мар сăмах та нумай каланă.

Эй Турă, хĕрхенсем мана, хĕрхенсем.

Закхей мытарь пулнă, çапах та вăл çăлăннă; Симон фарисей улталаннă; аскăн арăм çылăхсене каçарма Пултараканран хăйĕн çылăхĕсене илтерсе каççарттарнă; эй чунăм, эсĕ те ун пек пулма пикен.

Эй Турă, хĕрхенсем мана, хĕрхенсем.

Эй мĕскĕн чунăм, эсĕ аскăн арăм тунă пек тăвасшăн пулмарăн: вăл пĕр савăт миро çăвĕ илнĕ те, Çăлаканăн урисене йĕре-йĕре сĕрсе, çÿçĕсемпе шăлса типĕтнĕ; унăн ĕлĕкхи çылăхĕсене çырнă çырăва Çăлакан çурса пăрахнă.

Эй Турă, хĕрхенсем мана, хĕрхенсем.

Эй чунăм, эсĕ пĕлетĕн: Христос Евангели çинчен вĕрентсе çÿренĕ хуласене епле ылханнă; ĕнтĕ çакăнтан хăраса тăр, санăн та вĕсем пек пулмалла ан пултăр; Патша Турă вĕсене, Содом хулисем пек тесе, тамăка каймалла суд туса хунă.

Эй Турă, хĕрхенсем мана, хĕрхенсем.

Эй чунăм, ĕмĕтÿнтен татăлса, эсĕ Хананей арăмĕнчен каярах ан пул, вăл ĕненÿ çинчен каланине илтнĕ, вара унăн хĕрĕ Турă каланипех чĕрĕлнĕ; ĕнтĕ, çав арăм пек, эсĕ пĕтĕм чĕрÿпе Христоса йăлăнса тархасла: эй Давид Ывăлĕ, çăл мана! тесе кала.

Эй Турă, хĕрхенсем мана, хĕрхенсем.

Эй Давид Ывăлĕ, хĕрхенсе çăлсам мана! Эй усал ернĕ çынсене пĕр сăмахпа Сыватакан, хĕрхен мана!

Вăрă-хураха каланă пек, мана та ырă сас кăларса кала: чăн калатăп сана, Хам мухтава тухса килсен, Манпала пĕрле райра пулăн, тесемччĕ.

Эй Турă, хĕрхенсем мана, хĕрхенсем.

Пĕр вăрă-хурахĕ Сана мăшкăлланă, тепĕр вăрă-хурахĕ Сана Турă тенĕ, икккĕшĕ те вĕсем Санпа хĕрес çинче çакăнса тăнă; эй пит хĕрхенекен Турă, Эсĕ, Турă иккенне пĕлсе ĕненнĕ вăрă-хураха рай алăкне уçса панă пек, мана та Хăвăн мухтавлă Патшалăхун алăкне уçса пар.

Эй Турă, хĕрхенсем мана, хĕрхенсем.

Эй Иисус, Сана хĕрес çине пăталанине курсан пур япала та чĕтĕресе кайнă, тусем, чулсем сехре хăпнипе çурăла-çурăла кайнă, çĕр чĕтĕресе тăнă, тамăк çаралса юлнă, Эсĕ ÿтÿпеле пăталанса тăнине курсан тăрă кун çути те тĕттĕмленсе ларнă.

Эй Турă, хĕрхенсем мана, хĕрхенсем.

Эй пĕртен-пĕр Çăлакан! Çылăхран ÿкĕнсе тума тивĕçлĕ ырă ĕçсене манран ан шыра, манăн вăйăм пĕтсе çитрĕ; мана яланах çылăхран ÿкĕнекен чĕре пар, мĕскĕн кăмăл пар; эпĕ Сана ырă парне вырăнне çавсене парам.

Эй Турă, хĕрхенсем мана, хĕрхенсем.

Эй мана Суд Тăвакан, мана сăнаса Тăракан! Пĕтĕм тĕнчене суд тума Эсĕ Хăвăн Ангелусемпе татах килмелле; эй Иисус, ун чухне вара ман çине ăшă куçупа пăхса хĕрхен мана, пĕтĕм этем йăхĕнчен те ытла çылăха кĕнĕскершĕн ырă кăмăллă пул.

Эй таса пурăнăçлă Мария аннемĕр, пирĕншĕн Турра тархасла.

Эй Мария, эсĕ, ÿтсĕр пек пурăнса, этемлĕх йĕркинчен тухса, тĕлĕнмелле пурăннă пурăнăçупа Ангел ушкăнĕсене те, этем йăхĕсене те, пурне тĕлĕнтернĕ, - çавăнпа Эсĕ, ÿтсĕр пулнă пек, Иордан урлă урусемпе утсах каçса кайнă.

Эй таса пурăнăçлă Мария аннемĕр, пирĕншĕн Турра тархасла.

Эй таса пурăнăçлă Аннемĕр, Туррăн хĕрхенекен кăмăлне Хăвна мухтакан çыннусем енне çавăрсам, эпир хамăр çине пур енчен те килекен хаярлăхран, хуйхă-суйхăран хăтăлмалла пулар, - эпир çав инкен-синкексенчен хăтăлсан Сана мухтава кăларакан Турра пĕрмай мухтаса тăрăпăр.

Эй таса пурăнăçлă Андрей аттемĕр, пирĕншĕн Турра тархасла.

Эй Крита пăхса пурăннă хисеплеме тĕрĕс тивĕçлĕ Андрей!

Хăвна мухтаса юрлакансемшĕн кĕлтума ан чарăн; эпир пурсăмăр та, санăн ятна чунтан хисеплекенсем, хаяр-хатартан, пĕтесрен, хисепсĕр çылăха кĕресрен хăтăлар.

Мухтав Ашшĕне, Ывăлне, Святой Сывлăшне.

Ашшĕне мухтар, Ывăлне аслăлар, Сывлăш Турра тĕрĕс ĕненсе пуççапар: Вăл пĕртен-пĕр уйăрăлми Виç-ипостаçлĕ Турă; Вăл Çутă та, Çутăсем те; Пурăнăç та, Пурăнăçсем те; Вăл чĕрĕ тăвакан, пĕтĕм тĕнчене вĕçĕ-хĕррипех çутатакан Турă.

Халĕ те, кирек хăçан та, ĕмĕр-ĕмĕрех. Аминь.

Эй Туррăн чăн Таса Амăшĕ, Хăвăн çĕршывна сыхласа усра, вăл Санăн хÿтлĕхунте Чăн тĕнпе чаплă тăрать, Санран хăват илет, Эсĕ пулăшнипе пур инкен-синкеке хăватлă çĕнтерет, тăшмансене тыткăна илет, вĕсене пăхăнтарса тăрать.

 

 

 

 

 

span style=quot;,

Назад к списку